Policia e Korces ka vënë në pranga 3 persona në orët e fundit, 2 prej të cilëve të dehur në timon dhe një tjetër që shpërndante drogë.

M. M., 48 vjeç, banues në fshatin Vinçan Korçë dhe shtetasit E. G., 37 vjeç, banues në fshatin Kamenicë, u arrestuan të dehur në timon, ndërsa R. A., 25 vjeç, banues në fshatin Vashtmi, Maliq,u kap duke shpërndarë drogë.

Njoftimi

Arrestohen në flagrancë 3 shtetas për vepra të ndryshme penale.

Specialistët e Trafikut Urban dhe Interurban pranë DVP Korçë, bënë arrestimin në flagrancë për veprën penale “Drejtimi i automjeteve në mënyrë të parregullt” të shtetasit M. M., 48 vjeç, banues në fshatin Vinçan Korçë dhe shtetasit E. G., 37 vjeç, banues në fshatin Kamenicë, Korçë, pasi këta shtetas janë kapur nga shërbimet e policisë, respektivisht në lagjet nr. 17 dhe 16, në Korçë, duke drejtuar mjetet tip “Ford” dhe “Benz”, në gjendje të dehur.
Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Prodhimi dhe shitja e narkotikëve”, të shtetasit R. A., 25 vjeç, banues në fshatin Vashtmi, Maliq, pasi në lagjen nr. 2, Korçë, gjatë kontrollit fizik, këtij shtetasi ju gjet një sasi e vogël me lëndë të dyshuar narkotike Cannabis Sativa, e cila u sekuestrua në cilësinë e provës materiale.

Materialet i kaluan Prokurorisë së Rrethit Gjyqësor Korçë për veprime të mëtejshme.