Basel – Përfaqësuesja e Kosovës pësoi një humbje të thellë ndaj Zvicrës në ndeshjen e vlefshme për kualifikueset e Botërorit 2026, duke mos arritur të tregonte shumë kundër një ekipi të fortë vendas.

Pas kësaj disfate, ka reaguar edhe Kryeministri i Kosovës, Albin Kurti, i cili përmes një postimi në rrjetet sociale shprehu mbështetjen për ekipin dhe ftoi për qetësi:
“Nuk ishte fillimi që deshëm e që shumë prej nesh prisnim. Pas tre ditësh na pret sfida e radhës kundër Suedisë në ‘Fadil Vokrri’, ku mbështetja do të jetë e madhe dhe synimi duhet të jetë rezultati pozitiv. Zvicrën e urojmë për fitoren,” shkruan Kurti.

Ndërkohë, “Dardanët” do të përballen me Suedinë si pritës, duke synuar të rikthejnë moralin dhe të marrin pikët e nevojshme në garën për Botërorin 2026.