10.5 C
Tiranë
Thursday, October 9, 2025
spot_img

“Kosova t’i zbatojë marrëveshjet”/ BE përsërit: Qëndrimi ynë për dialogun me Serbinë është shumë i qartë

Zëdhënësi i Bashkimit Evropian, Peter Stano, tha se institucionet evropiane presin që Kosova dhe Serbia t’i zbatojnë të gjitha marrëveshjet e arritura në kuadër të dialogut për normalizimin e marrëdhënieve.

I pyetur nga gazetarët të komentojë deklaratën e kryeministrit të Kosovës, Albin Kurti, i cili ka thënë për BBC-në se nuk do të lejojë formimin e Asociacionit të komunave me shumicë serbe në Kosovë, Stano tha se “në parim, nuk i komenton deklaratat e palëve të treta”.

“Qëndrimi ynë është shumë i qartë për marrëveshjet e arritura në dialogun ndërmjet Prishtinës dhe Beogradit. Ne duhet ta respektojmë marrëveshjen dhe të bëjmë çmos për të siguruar zbatimin e atyre marrëveshjeve”, tha Stano.

Në një intervistë për BBC-në, Kurti ka thënë se me krijimin e Asociacionit, do të krijohej “diçka e ngjashme me Republikën Sërpska në Kosovë”, andaj nuk do të lejojë që “në Kosovë të përsëritet Bosnja”.

Republika Sërpska, e banuar me shumicë serbe, është njëri nga dy entitetet që përbëjnë Bosnje e Hercegovinën. Entiteti tjetër është Federata Myslimane-Kroate.

Kosova dhe Serbia, nën ndërmjetësimin e BE-së, kanë arritur marrëveshjen për themelimin e Asociacionit të komunave me shumicë serbe në vitin 2013.

Dy vjet më vonë, dy vendet kanë arritur edhe një marrëveshje shtesë për themelimin e tij, por Gjykata Kushtetuese e Kosovës ka konstatuar se parimet për të nuk janë në përputhje me Kushtetutën e Kosovës, edhe pse ka thënë se ato mund të harmonizohen me një akt ligjor të Qeverisë së Kosovës.

Pala serbe këmbëngul që Kosova duhet ta zbatojë marrëveshjen për Asociacionin.

BE-ja, në disa rase, ka bërë thirrje për zbatimin e marrëveshjes.

Kurti, edhe më herët, ka thënë se në Kosovë “nuk mund të ketë asociacion njëetnik”.

/REL

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

PS zyrtarizon kandidatët për zgjedhjet lokale: Profili i kandidatëve në 6 bashki

0
Partia Socialiste ka përfunduar zyrtarizimin e kandidatëve për zgjedhjet e pjesshme lokale të 9 Nëntorit, që do të mbahen në Tepelenë, Vlorë, Mat, Berat,...

Kriza politikë në Francë: Thirrje për dorëheqjen ose Zgjedhje të Parakohshme për Macron

0
Presidenti Emmanuel Macron përballet me një krizë të rëndë politike, ku ish-aleatët dhe kundërshtarët po kërkojnë që ai të japë dorëheqjen ose të shpallë...

Sulmi me thikë ndaj kryetares së zgjedhur në Gjermani , vajza e adoptuar e...

0
Kryetarja e zgjedhur e bashkisë Herdecke, Iris Stalzer, 57 vjeçe, ndodhet në gjendje kritike pas një sulmi me thikë në shtëpinë e saj në...

Shembet ndërtesë në ndërtim në Madrid: 10 të plagosur dhe 4 të zhdukur

0
Të paktën dhjetë persona janë plagosur dhe katër të tjerë janë të zhdukur pas shembjes së pllakës së një ndërtese pesëkatëshe në Calle Hileras,...

Sulm i përgjakshëm me bomba mbi protestë në Myanmar: 24 të vrarë dhe 47...

0
Të paktën 24 persona u vranë dhe 47 të tjere u plagosën gjatë një proteste kundër qeverisë ushtarake të Myanmarit, pasi një parashutë me...