Një burrë në qytetin e Vitisë, në Kosovë, dyshohet se ka humbur jetën pasi i është përkeqësuar gjendja shëndetësore ndërsa ndodhej në një restorant.

Sipas policisë, viktima, një mashkull kosovar, ishte duke pirë kafe kur, sipas dëshmitarëve, iu përkeqësua shëndeti dhe ka mbetur pa shenja jete. Ai u dërgua menjëherë në emergjencën e qytetit, ku mjeku konstatoi vdekjen e tij.

Në njoftimin e policisë thuhet se, pas konstatimit të vdekjes nga mjeku, trupi i pajetë u është dorëzuar familjarëve për t’u kujdesur për ceremoninë mortore, sipas vendimit të prokurorit.