Pas një periudhe mungese në rrjetet sociale, Kozak Braçi rikthehet me një mesazh të fuqishëm për ndjekësit e tij. I njohur për stilin e tij të drejtpërdrejtë dhe komentet e forta, Kozaku kishte zhdukur çdo gjurmë aktiviteti, duke ngjallur pikëpyetje mbi arsyet e këtij heshtjeje.

Në një postim të fundit në Instagram, ai ka zbuluar se shkëputja lidhej me probleme serioze familjare. Sipas tij, disa nga të afërmit e tij përfunduan në spital, gjë që e preku thellë emocionalisht dhe e detyroi të merrte një pushim të nevojshëm nga rrjetet sociale. “Kam pasur probleme me familjarë,” shkruan Kozaku, duke dhënë një shpjegim të hapur për mungesën e tij.

Megjithatë, kjo periudhë heshtjeje duket se ka marrë fund. Me energjinë dhe stilin që e karakterizojnë, Kozak paralajmëron një rikthim të fuqishëm në rrjetet sociale, duke ftuar ndjekësit të bashkohen në një live në orën 22:00, ku sipas tij do të sjellë surpriza që nuk do të kalojnë pa u komentuar. “Që sonte do digjet rrjeti,” shkruan ai, duke ndezur pritshmëritë e fansave për atë që po vjen.