Në muajin e Ramazanit, besimtarët myslimanë janë përpjekur të përforcojnë lidhjen e tyre me Zotin përmes agjërimit dhe adhurimit. Pas kësaj periudhe të sakrificës dhe përkushtimit, ata po përgatiten për të festuar Fitër Bajramin, një nga festat më të rëndësishme të tyre.

Fitër Bajrami shënon përfundimin e muajit të shenjtë të Ramazanit dhe është një moment i gëzimit dhe solidaritetit për komunitetin mysliman. Besimtarët shpërndajnë lëmoshë dhe solidarizohen me të varfrit, duke siguruar që të gjithë të kenë mundësinë të përjetojnë gëzimin e kësaj feste.

Në Tiranë, falja e madhe do të zhvillohet në sheshin “Skënderbej” më 10 prill në orën 06:55. Bashkia e Tiranës ka njoftuar se parkingu në qendër do të jetë falas për të gjithë ata që do të marrin pjesë në faljen e bajramit në shesh. Para faljes, në orën 06:30, do të lexohen pjesë nga Kuran dhe në orën 06:35, kreu i Komunitetit Mysliman të Shqipërisë, Bujar Spahiu, do të mbajë një fjalë përshëndetëse.

Megjithatë, edhe këtë vit, besimtarët nuk do të mund të falen në Xhaminë e Namazgjasë në Tiranë, pasi ende nuk është inaugurohet, megjithëse duket se ka përfunduar.