Tymi e flakët kanë përfshirë dje dhe sot sipërfaqe të konsiderueshme në zonën e Shijakut, ku janë djegur një sasi e madhe plehrash.

Kreu i Partisë Lirisë Ilir Meta e quajti krim mjedisor duke hedhur akuza mbi bashkinë e këtij qyteti se po djeg tonelata me plehra si mekanizëm i tyre për të ‘pastruar’ mjedisin dhe se po helmojnë banorët me ndotjen e krijuar.

Elton Arbana tha se kjo gjë nuk është aspak e vërtetë pasi bëhet fjalë për zjarrvënie të qëllimshme. Ai madje theksoi se është një akt i opozitës për të prodhuar lajme dhe se një grup zjarrfikësish tashmë po merren me neutralizimin e flakëve.

“Kishin vënë mbrëmë një zjarr të qëllimshmë, sot e kanë vënë në territorin, kemi marrë masat për neutralizimin e flakëve. S’është djegie nga njerëzit e bashkisë tonë por e qëllimshme po nga opozita për ta kthyer në lajm. Nuk është ajo q ëish-presidenti ka shkruar në rrjete sociale. Rast pas rasti ne hetojmë, dhe jo më pak se para 5 minutash me erdhi informacion se kanë kapur një tjetër person përgjegjës për zjarrëvënie në Maminas”-tha Arbana.