Sot, kreu i lëvizjes ‘Shqipëria Bëhet’ zhvilloi një takim me fermerët dhe blegtorët në Samaticë, bashkia Dimal, ku u prezantua programi i partisë për bujqësinë, blegtorinë, bletarinë dhe peshkimin. Në këtë takim, ai theksoi disa masa të rëndësishme që do të miratohen për të mbështetur këtë sektor dhe për të përmirësuar kushte për ata që punojnë në bujqësi.
Në mes të fermerëve dhe blegtorëve të Samaticës, u shpalosën këto masa konkrete të programit:
Subvencionim i prodhimit për kilogram: mbështetje për rritjen e prodhimit bujqësor dhe blegtoral.
Kontrolli total i subjekteve që shesin/importojnë/prodhojnë fara dhe fidanë: për të siguruar cilësinë dhe origjinën e materialeve bujqësore.
Kontroll i plotë i subjekteve që importojnë dhe shesin pesticide dhe plehra kimike: për të mbrojtur shëndetin e fermerëve dhe konsumatorëve.
Hapja e Bankës Kombëtare Agrare me kapital 100% shtetëror: kjo bankë do të financojë fermerët, blegtorët, peshkatarët dhe bletërritësit me kredi të buta, duke u dhënë fund kredive me interesa të larta nga fajdexhinjtë dhe mikrokreditë.
Mbrojtja nga importet kontrabandë: masa të forta për të luftuar importet e jashtme të paligjshme që dëmtojnë produktet vendase.
Kjo iniciativë synon të mbështesë fermat dhe blegtorinë në Shqipëri, duke krijuar kushte më të mira financiare dhe ligjore për ata që punojnë në këto sektore jetike.
