Kreu i SPAK, Altin Dumani, nën udhëzime nga SHBA-ja, paralajmëron se do të ketë lajme tronditëse për pushtetarët e lartë. Në takimin e parë të nismës së re të dialogut mes institucioneve dhe aktorëve të politikës, “IDM Morning Briefing”, Dumani dha sinjale se priten goditje ndaj “peshqve të mëdhenj”.

SPAK po vijon punën për hetimin e zyrtarëve të lartë të korruptuar dhe krimit të organizuar.

Deklaratat e tij erdhën pas arrestimit të drejtorit të ARRSH, Evis Berberi, i akuzuar për korrupsion dhe pastrim parash.

Ndërsa roli i ministres më të rëndësishme të qeverisë, Belinda Balluku, është nën hetim. Dumani u ndal edhe te lufta ndaj krimit të organizuar, duke theksuar përgatitjen e anëtarëve të SPAK për të përballoj situata të tilla.