Një ngjarje e rëndë është shënuar në Shkodër. Vëllai ka vrarë motrën e tij me armë zjarri.

Ngjarja ka ndodhur pranë shkollës “Ndoc Mazi”. Mësohet se viktima është Diana Vuka, e cila është vrarë nga vëllai i saj Fabian Vukaj.

Fabian Vuka njihej si person i alkoolizuar dhe është kapur tashmë nga policia. Diana Vuka, 58 vjeçe kishte ardhur për pushime në Shkodër, pasi jetonte në Gjermani.

Ndërkohë drejtori i policisë së Shkodrës ka deklaruar se gruaja prej dy ditësh kishte humbur kontaktet me të afërmit e tjerë. Kjo ka bërë që të njoftohej policia, e cila ka shkuar në banesë dhe ka gjetur të vrarë me armë zjarri 58 vjecaren.

Njoftimi i policisë

Shkodër/ Informacion paraprak

Rreth orës 22:30, në lagjen “Ndoc Mazi”, Shkodër, në banese është gjetur e pa shenja jete shtetasja D. V. 58 vjeçe.

Nga veprimet e para hetimore  dyshohet se është vrarë me armë zjarri  nga vellai i saj shtetasi  F. V., 55  vjeç, i cili është shoqëruar  në ambientet e Komisariatit të Policisë Shkodër për veprime të mëtejshme.

Grupi hetimor, nën drejtimin e Prokurorisë  po vijon punën për sqarimin e  plotë të rrethanave të ngjarjes.