Disidenti ruso-britanik dhe kritiku i presidentit të Rusisë, Vladimir Kara-Murza, është zhdukur në mënyrë të mistershme nga burgu në siberi ku po qëndronte. Informacionin e ka bërë të ditur gruaja e tij, Evgenia Kara-Murza, e cila ka njoftuar se burri i saj është marrë nga burgu në Omsk, ku ka qëndruar prej shtatorit.

Vladimir Kara-Murza ka qenë në izolim për katër muajt e fundit në koloninën IK-6 në Omsk. Grumbullimi i tij nga burgu ndodh në një kontekst ku disa personalitete opozitare të burgosura kanë pësuar zhdukje të ngjashme dhe transferime të papritura në qarqe të largëta të sistemit të burgjeve të Rusisë.

Në dhjetor, lideri i opozitës, Alexei Navalny, pësoi një fat të ngjashëm kur humbi kontaktin me familjen dhe avokatët e tij për gati tre javë, duke u transferuar në një koloni penale në Arktik. Kara-Murza ishte dënuar me 25 vjet burg në prillin e kaluar për akuzat e tradhëtisë dhe përhapjen e “informacionit të rremë” lidhur me luftën ruse në Ukrainë. Ai mohon çfarëdo fajësie dhe e cilëson gjyqin si një shfaqje të rrejshme.