Porti i Vlorës mirëpriti sot kroçerën luksoze “Silver Whisper”, e cila mbërriti nga porti i Barit në Itali me 383 turistë në bord. Sipas Kapitenerisë së Portit, turistët janë me kombësi të ndryshme, përfshirë Shtetet e Bashkuara të Amerikës, Mbretërinë e Bashkuar, Australinë, Kanadanë dhe vende të tjera.

Anija pritet të qëndrojë në Vlorë deri në orën 23:00 të mbrëmjes së sotme, përpara se të niset drejt portit të Galipolit në Itali.

Gjatë viteve të fundit, Vlora ka parë një rritje të ndjeshme të lundrimeve turistike me kroçera. Ky fluks i shtuar lidhet ngushtë me atraksionet natyrore të rajonit, si plazhet me ujëra të kristaltë të detit Jon, si dhe trashëgiminë kulturore e historike të zonës.

Porti i Vlorës po konsolidohet gjithnjë e më shumë si një destinacion i rëndësishëm në hartën turistike të Mesdheut.