Policia e Krujës ka parandaluar një ngjarje të rëndë kriminale brenda një familjeje, ku një 44-vjeçar dhe djali i tij 22-vjeçar ushtronin dhunë fizike ndaj bashkëshortes dhe vajzës së mitur.
Ngjarja ndodhi në lagjen “Derede”, ku në kuadër të operacionit të koduar “On Time” u vunë në pranga shtetasit E. M., 44 vjeç dhe A. M., 22 vjeç. Hetimet tregojnë se babë e bir jo vetëm që dhunonin familjarët, por edhe i kanosnin me armë zjarri.
Gjatë kontrollit në banesë, policia gjeti një armë automatike kallashnikov, dy krehra dhe municion, të cilat i mbante pa leje shtetasi E. M. Materialet procedurale i janë referuar Prokurorisë së Tiranës për veprime të mëtejshme.
