Kryebashkiakët e opozitës, pas mbledhjes me kryeministrin Edi Rama dhe ministrat e qeverisë, nuk shprehën shqetësim në aspektin politik, duke theksuar se problemet e qytetarëve janë më të rëndësishme. Ata theksuan disa sfida financiare të bashkive të vogla dhe dëshirën për të adresuar pabarazinë buxhetore.

Kryebashkiaku i Fushë-Arrëzit, Hil Curri, theksoi se përfaqësuesit e qytetarëve duhet të jenë të hapur për diskutime dhe se kishin marrë garanci nga kryeministri për mundësinë e ankimimit në kancelaritë e BE nëse do të ndiheshin të parespektuar.

Nuk e pamë në aspektin politik sepse problemet e qytetarëve janë më të rëndësishme. Diskutuam shumë, sepse bashkitë e vogla kanë paga më të ulëta, kanë shpërndarjen e buxhetit në bazë të numrit të popullsisë, që nuk i favorizon.Ne jemi përfaqësues të qytetarëve, duhet të jemi kur kryeministri dhe ministrat na kërkojnë për takime”—tha kryebashkiaku i Fushë-Arrëzit, Hil Curri i cili u shpreh gjithashtu se kishte marrë garanci nga Rama se nëse do të ndiheshin të pareskeptuar, do të mund të ankoheshin në kancelaritë e B

Në lidhje me shpërblimet e bashkive me performancën më të mirë, thanë se ky rezultat mund të arrihet më lehtë nga bashkitë e mëdha. Curri shtoi se shpërndarja e buxhetit duhet të reflektojë nevojat reale të bashkive, duke zbatuar rregullime që i përputhen situatave specifike.

“Performancën më të mirë do ta ketë një bashki e madhe. Nëse shpërndarja do jetë ndryshe me anë të riskut që ka një bashki, do të ndryshojë treguesi i performancës. Ka bashki që kanë teprica në buxheti, kurse ne jemi me mungesa”- përfundoi Curri.