Kryeministri Edi Rama ishte sot në Durrës, në shkollën e rindërtuar “Bedrie Bebeziqi”, nga ku nuk kanë munguar edhe batutat për rezultatin e dalë nga zgjedhjet e 25 prillit.

Në hyrje të shkollës, kur i matën temperaturën në përputhje me rregullat anti-Covid, Rama përdori për të bërë humor e pyeti “Sa është?  74 apo 75?”, duke kujtuar numrin e mandateve që fitoi në zgjedhje PS-ja.

“Ne na akuzojnë që na akuzojnë që i përdorëm për fushatë këto shkolla, por si kemi përdorur, se 12 janë (shkolla të përfunduara)”, tha Rama, ndërkohë që në dalje tek shkolla takoi një prej inxhinierëve të shkollës, duke e thumbuar meqë ishte me PD-në.

“Ngushëllime për humbjen, por Shqipëria fitoi. Dhe po fitoi Shqipëria, fituar edhe ju!”, tha Rama.

Ministri i Rindërtimit, Arben Ahmetaj i pranishëm gjatë vizitës në këtë shkollë u shpreh se janë “një seri shkollash që kanë mbaruar, të fondit shqiptar. Janë edhe 12 që kanë mbaruar që ne s’kemi qenë”.