Gjatë një fjalimi të tij në Londër, ku po zhvillonte një takim me shqiptarët e Anglisë, Kryeministri Edi Rama komentoi protestën që kishte ndodhur në këtë qytet. Ai i quajti protestuesit një “grup të verbërish”, të cilët, sipas tij, ishin nxitur nga “të verbërit” në Tiranë.

Rama tha: “Të dashur shqiptarë të MB, motra dhe vëllezër, faleminderit edhe pse s’më takon mua, por duke qenë se u bëra unë shkak që ju të vini sot këtu në një ditë pushimi, dua t’ju kërkoj ndjesë për një grup të verbërish atje te dera që, të nxitur nga të verbërit në Tiranë, kishin marrë me vete librin e shtëpisë tonë dhe po bërtisnin aty përballë. Me keqardhje, por pa asnjë dyshim, me vetëdijen që edhe ata janë pjesë e familjes sonë të madhe, unë kam besim se kjo ndasi e vjetër është drejt fundit të saj.”

Me këtë koment, Rama i bëri apel bashkatdhetarëve të tij në Londër për unitet, duke theksuar se ndasitë e krijuara nga forca të caktuara politike janë duke ardhur në fund.