Sot, Kryeministri i vendit, Edi Rama, do të mbledhë Asamblenë Kombëtare të Partisë Socialiste në Gjirin e Lalzit në Durrës.

Takimi, i cili pritet të nisë në orën 11:00, do të përqendrohet te zbatimi i detyrave të lëna më herët për strukturat e partisë, korrigjimi i problematikave, si dhe miratimi i dy projekt-udhëzimeve për zgjedhjet në parti dhe kriteret për kandidatët për delegatë të kongresit të partisë.

Ndërkaq, sekretari i përgjithshëm Blendi Klosi do të drejtojë pjesën e punimeve, duke prezantuar planin për rienergjizimin e partisë dhe anëtarësimet e reja, ndërsa pas tij do të ketë raportime dhe diskutime nga anëtarët e Asamblesë.

Agjenda:

1.Fjala e Kryeministrit Rama.

2.Blendi Klosi për zbatimin e detyrave të Asamblesë kombëtare të PS për rienergjizimin e partisë, korigjimin e mangësive të evidentuara në organizatat socialiste dhe anëtarësimet e reja.

3.Raportime, diskutime nga anëtarët e AK për zbatimin e detyrave të ngarkuara.

4.Miratimi i projekt udhëzimit “Mbi zgjedhjet e përgjithshme në parti”.

5. Miratimi i projekt-udhëzimit “Kriteret përzgjedhëse të kandidatëve për delegatë të kongresit të partisë, bashkëkryetarët e OS dhe KS të NJA”.