Kryeministri Edi Rama ka bërë thirrje për diasporën që të regjistrohet në Pjesëmarrjen e Regjistruar të Zgjedhësve (PER) dhe të bëhen pjesë e procesit zgjedhor të 11 majit. Ai theksoi se ky do të jetë një votim historik, pasi për herë të parë shqiptarët jashtë vendit do të mund të votojnë përmes postës.

“Ju uroj mirëmëngjesi nga selia e PS, 22 ditë para përfundimit të regjistrimit të zgjedhësve në diasporë. 11 maji do të jetë një votim historik edhe për faktin që për herë të parë shqiptarët do të votojnë nga aty ku jetojnë, me postë”, tha Rama.

Ai u bëri thirrje shqiptarëve që të regjistrohen deri më 4 mars, për të siguruar pjesëmarrjen e tyre në këtë proces të rëndësishëm. Kryeministri theksoi se numri i regjistruarve deri tani është premtues, por mund dhe duhet të jetë më i madh.

Rama gjithashtu tha se ky proces është një mundësi e madhe për diasporën, duke shtuar se vota e çdo shqiptari jashtë kufijve ka rëndësi të madhe. Ai përfundoi duke theksuar se ky është një hap i rëndësishëm drejt përmbushjes së synimit për anëtarësimin e Shqipërisë në Bashkimin Europian gjatë mandatit të katërt të qeverisë.