Kryeministri i Spanjës, Pedro Sánchez, në një konferencë të përbashkët me kryeministrin Edi Rama, tha se shqiptarët janë shumë me fat që kanë një kryetar të tillë qeverie.

Sánchez u shpreh se BE nuk mund të mendohet më si e plotë pa Ballkanin Perëndimor, ndërsa tha se shtetet duhet të ndajnë të njëjtat vlera dhe parime për të qenë pjesë e unionit.

Kryeministri spanjoll: Në radhë të parë doja që të falenderoja qeverinë shqiptare për mikëpritjen qëna rezervuan përgjatë kësaj vizite. Me zotin Rama, që është një nga politikanët më të shkëlqyer, për të gjitha angazhimet e tij europiane, dhe platformën me të cilën ai vepron dhe bën politikë. Shqiptarët janë me fat që e kanë zotin Rama.

Lufta në Ukrainë na ka dhënë shumë probleme dhe shqetësime, po bashkimi Europian do të qëndrojë në të njëjta vlera. Duhet të japim një mesazh të qartë për rëndësinë që ka integrimi i Ballkanit Perëndimor.

Nuk mund të konceptohej Europa pa Portugalinë dhe Spanjës, ashtu si nuk mund të kuptohet BE pa Ballkanin.

Ndërkohë në fjalën e tij kryeministri Rama, tha se me homologun e tij spanjoll folën për një sërë çështjesh, duke nisur nga negociatat, te marrëveshjet e përbashkëta për të luftuar krimin, por edhe qendrimi i Spanjës për Kosovën.

Rama foli për herë të parë dhe për tensionet në Veri të Kosovës, ku i bëri thirrje presidentit serb Vuçiç, që të mos nxisë konflikte të mëtejshme