Kryeministri i Kosovës, Albin Kurti, përuronte dhe bënte homazhe në Kralan të Gjakovës dhe në varrezat e qytetit në Gjakovë, për të nderuar të rënët e Kralanit dhe të familjeve Vejsa, Haxhiavdyli dhe Caka në Gjakovë.

Në fjalën e tij, kryeministri Kurti shprehu se vrasja e fëmijëve, pleqve, grave dhe civilëve të pambrojtur në pranverën e vitit 1999 në Kralan dhe Gjakovë, dëshmon për gjenocidin e ushtruar nga forcat serbe ndaj shqiptarëve në Kosovë. Ai gjithashtu shtoi se urdhërdhënësit e këtyre krimeve janë dora e zgjatur e regjimit të Millosheviqit dhe duhet të përgjigjen para drejtësisë.

“Vrasja e fëmijëve dhe foshnjave, e pleqve dhe plakave, e grave dhe civilëve të pambrojtur në pranverën e vitit 1999, në Kralan dhe Gjakovë, dëshmon gjenocidin e ushtruar të forcave serbe ndaj shqiptarëve në Kosovë,me kodin e procedurës penale dhe plotësim ndryshimin, ne, kemi mundësuar që kriminelët serbë të përndiqen, gjykohen dhe dënohen qoftë edhe në mungesë”,

Kurti po ashtu nënvizoi se me ndryshimet në kodin e procedurës penale, ata kanë mundësuar që kriminelët serbë të përndiqen, gjykohen dhe dënohen, edhe në mungesë.

Masakra në Kralan shënoi vdekjen e 80 civilëve shqiptarë, ndërsa në familjet Vejsa, Caka dhe Haxhiavdyli u prenë jetën mbi 29 civilë shqiptarë, përfshirë fëmijë.