Kryeministri Edi Rama ka rinisur takimet me diasporën më 26 tetor në Nju Jork dhe planifikon një tjetër takim me emigrantët shqiptarë në Selanik këtë të diel. Megjithatë, ai nuk pritet të ketë një pritje të ngrohtë në Greqi, pasi nacionalistët grekë kanë paralajmëruar një protestë të organizuar nga Balli Kombëtar.

Kjo protestë ka si qëllim të shprehë kundërshtimin ndaj Ramës, duke e cilësuar takimin e tij si një sfidë. Në njoftimin e publikuar nga Balli Kombëtar, protestuesit rendisin si arsye për protestën burgosjen e Fredi Belerit dhe veprimet që konsiderohen si përshkallëzim i tensioneve mes Shqipërisë dhe Greqisë, përfshirë lidhjet e Ramës me Turqinë dhe qëndrimin e tij në lidhje me çështjet e helenizmit në Epirin e Veriut.

“Prania e tij pas persekutimit të helenizmit në Epirin e Veriut dhe lidhjet e tij me çdo iniciativë antihelene janë sfida,” thuhet në njoftim. Protesta e planifikuar vjen si rezultat i tensioneve historike dhe politike mes dy vendeve, dhe mund të sjellë një atmosferë të ngarkuar gjatë vizitës së Ramës në Selanik.