13.5 C
Tiranë
Saturday, February 22, 2025
spot_img

Kryeministri Rama nderon Kryepeshkopin Anastas Janullatos në ceremoninë e lamtumirës: “Jeta e tij ishte plotësisht e përmbushur”

Në ceremoninë e lamtumirës për Kryepeshkopin Anastas Janullatos, Kryeministri Edi Rama mbajti një fjalim emocionues, duke shprehur ngushëllimet për komunitetin ortodoks dhe theksuar kontributin e jashtëzakonshëm të Janullatos për Kishën Autoqefale të Shqipërisë. Rama u shpreh se sot komuniteti ortodoks është në zi, por theksoi se jeta e Janullatos ishte tërësisht e përmbushur, duke realizuar një mision të rëndësishëm në ringritjen dhe forcimin e Kishës Autoqefale gjatë 33 viteve të tij të shërbimit.

“Komuniteti ortodoks është sot në zi, Kisha Ortodokse Autoqefale Shqiptare është sot e ve. Kryepeshkopi e përfundoi detyrën e tij si pasrendës i apostujve në shërbim të ortodoksëve të Shqipërisë. Jeta e tij qe një jetë për mbarë Kishën, plot 33 vite ungjillëzim në viset e Shqipërisë, nga 1992 e deri më sot, janë një shifër tejet domethënëse. Simbolikë e përbashkët me moshën e Jezu Krishtit. 3 vite ringjalli ortodoksinë dhe 30 vite të tjera punoi në ngritjen e ngrehinës së shkrumbuar të Kishës Autoqefale,” tha Rama.

Gjithashtu, Kryeministri theksoi lidhjen e fortë të Kryepeshkopit me Shqipërinë, duke e konsideruar atë “Atdheu i tij i dytë”. Mbesa e Kryepeshkopit Anastas, në fjalimin e saj, theksoi se dashuria e tij nuk bënte dallim mes kombeve, racave, shteteve dhe feve, duke përçuar mesazhin e një jete të përkushtuar për shërbimin dhe paqen. Ajo theksoi se veprat e Kryepeshkopit janë admiruar dhe bekuar nga shumë, dhe përmes dialogut ndërfetar, ai ishte një shembull i respektuar nga shumë liderë botërorë.

Rama e përmbylli fjalimin e tij duke nënvizuar se gjithçka që bëri Kryepeshkopi Anastas ishte në shërbim të një misioni të madh dhe të rëndësishëm për kishën dhe Shqipërinë.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT