Kryeministri Edi Rama priti në zyrën e tij ambasadorin e Mbretërisë së Arabisë Saudite në Tiranë, i cili i dorëzoi ftesën e Princit të Kurorës, Mohammed Bin Salman al Saud, për të vizituar Riadin. Sipas postimit të Ramës në Instagram, ambasadori i dhuroi gjithashtu një tunikë tradicionale, të cilën kryeministri e veshi në shenjë mirënjohjeje për mikpritjen dhe ftesën miqësore.

“Me ambasadorin e Mbretërisë së Arabisë Saudite në Tiranë, që bashkë me ftesën e Princit të Kurorës, Mohammed Bin Salman al Saud, për të vizituar Riadin e për të diskutuar thellimin e marrëdhënieve dypalëshe, më solli edhe një tunikë, të cilin e vesha në shenjë falenderimi për ftesën miqësore nga një prej liderëve më reformatorë dhe transformues të kohës së sotme,” shkroi Rama në Instagram.

Vizita e pritshme në Riad pritet të forcojë marrëdhëniet mes Shqipërisë dhe Arabisë Saudite, duke hapur mundësi të reja bashkëpunimi.