Kryeministri Edi Rama ka takuar në Konferencën e Sigurisë në Mynih ish-sekretaren amerikane të shtetit, Hillary Clinton. Ai ka ndarë disa foto nga takimi mes tyre në rrjetet sociale, duke shkruar “me miken e madhe të Shqipërisë dhe Kosovës, Sekretaren e Shtetit, Hillary Clinton“.
Rama ndodhet në Mynih prej ditës së djeshme, duke marrë pjesë në punimet e konferencës së Sigurisë, ku po diskutohen krizat aktuale botërore, si lëkundja e mbështetjes amerikane për Ukrainën, rreziku i shtrirjes së konfliktit në Lindjen e Mesme, e ardhmja e marrëdhënies transatlantike, sfidat nga Kina dhe ndryshimi i klimës.
