Kryetari i Partisë Demokratike Lulzim Basha paralajmëron intensifikim të betejës politike në muajin shtator, në të gjitha frontet dhe forumet, me qëllim, rikthimin e demokracisë në vend.

Basha thotë se PD ka qenë dhe është e paduruar, por jo për veten e saj, dhe madje është akuzuar për këtë karakteristikë.

“Do intensifikojmë betejën tonë në të gjithë frontet e gjithë forumet, me vetëdijen se kjo është sot betejë jetike për shqiptarët jo thjesht për identitetin tonë. Kjo nuk do jetë një rrugë e lehtë dhe një rrugë që PD mund ta përshkojë e vetme.”

‘’Gjendja në vend sa vjen e përkeqësohet, në vend të stabilizohet apo përmirësohet. Formula e stabilizimit pa demokraci nuk funksionon në Shqipëri. E shohim në vuajtjet e përditshme, plagët në familje, depresionin psikologjik që shoqëron varfërimin.

“Do hedhim gjithë hapat e nevojshem për një bashkëpunim me gjithë forcat e gjalla të shoqërisë në cdo fushë nga sipërmjarrja te elita e mendjes e shpirtit të shqiptarëve , nga të rinjtë, studentët të papunët tek fermerët, sipërmarrja e vogël dhe e mesme, mësuesit, shëndetësia. Që të gjithë bashkë të përballemi me një gjendje jashtëzakonisht të rëndë, paprecedentë në 31 vite pluralizëm dhe demokraci.

Të thuash që para kësaj PD të presë radhën, nuk është realiste. Nuk kemi qëndruar për asnjë cast duarkryq, të paduruar kemi qenë dhe mbetemi, por jo për veten tonë. Të paduruar për ti dhënë fund varfërisë, pabarazisë.’’- tha Basha.