Ulja e menjëhershme e temperaturave gjatë natës në Kukës, shoqëruar me era të forta dhe borë të dendur, ka shkaktuar vështirësi serioze në lëvizjen në rrugët rurale dhe nacionale të qytetit. Segmentet e rrugëve janë prekur nga akulli dhe bora, duke e bërë udhëtimin të rrezikshëm.

Autoritetet vendore bëjnë thirrje për përdorimin e gomave dimërore dhe zinxhirëve për të lehtësuar lëvizjen dhe për të parandaluar aksidentet.

Situata bërët akute pasi erërat e forta po grumbullojnë borën në shumë pjesë të rrugëve, ndërkohë që bora vazhdon të bie me intensitet. Kjo ka çuar në vështirësi të mëdha për banorët dhe shoferët.

Në lidhje me këtë situatë, shumë banorë janë pa energji elektrike për shkak të dëmtimit të linjave elektrike nga rënija e borës dhe era e fortë. Mungesa e energjisë elektrike gjatë natës ka prekur gjysmën e lagjeve të qytetit të Kukësit, duke përfshirë lagjet 4, 5, 6, Ram Has, Zabel dhe Lagjen e Re.

Ekipet e shërbimeve emergjente janë në terren për të riparuar linjat e dëmtuara dhe për të rikthyer furnizimin me energji elektrike sa më shpejt të jetë e mundur. Autoritetet vendore po bëjnë përpjekje maksimale për të menaxhuar situatën dhe për të ofruar ndihmë të nevojshme për banorët e prekur nga këto vështirësi.