Shëndeti i stomakut është thelbësor për mirëqenien e përgjithshme, pasi ai jo vetëm tret ushqimin, por edhe ndikon në sistemin imunitar dhe prodhimin e hormoneve. Ekspertët rekomandojnë disa kura natyrale për të lehtësuar shqetësimet e stomakut si dhimbjet, gazrat dhe problemet me tretjen.

Kurat më të mira natyrale për stomakun:

Lëngu i karrotës dhe nenexhikut – Lufton dhimbjet e barkut. Zieni katër karrota me ujë dhe shtoni nenexhik, xhenxhefil dhe lëng limoni për një efekt qetësues.

Lëngu i orizit – Efektiv kundër diaresë. Zieni oriz dhe përdorni lëngun e tij të ëmbëlsuar me mjaltë për të ndihmuar sistemin tretës.

Korja e shkrumbuar e bukës – Absorbon toksinat dhe qetëson stomakun, duke lehtësuar dhimbjet.

Uthulla e mollës dhe mjalti – Përmirësojnë tretjen dhe reduktojnë gazrat kur përzihen me ujë të ngrohtë.

Frutat e pasura me fibra – Qershitë, kajsitë, kumbullat dhe rrushi i thatë ndihmojnë në lëvizjen e zorrëve dhe shmangin konstipacionin.

Kosi – Përmban probiotikë që mbështesin tretjen dhe forcojnë sistemin imunitar.

Ngrohtësia – Një kompresë e ngrohtë mbi bark ndihmon në lehtësimin e dhimbjeve duke përmirësuar qarkullimin e gjakut.

Mjekët rekomandojnë kujdes të shtuar me ushqimin dhe trajtimet natyrale për të shmangur problemet me tretjen dhe për të mbajtur një stomak të shëndetshëm.