Kryeministri i Kosovës, Albin Kurti, ka shprehur shqetësimin e tij për sigurinë dhe paqen në Ballkanin Perëndimor, duke theksuar se shtetet jodemokratike në rajon janë një rrezik për stabilitetin. Sipas Kurtit, dallimi etnik nuk është faktori kryesor që shkakton konflikte, por autokracia në Beograd dhe despotizmi në Moskë.
Kurti theksoi se Kosova ka paralajmëruar për këtë rrezik për shumë kohë, por është e rëndësishme që ky shqetësim të merret seriozisht nga komuniteti ndërkombëtar. Ai shtoi se përgatitjet janë në vazhdimësi për të përballuar këtë sfidë, duke përfshirë themelimin e një qendre për siguri kibernetike dhe ofrimin e trajnimeve për personelin e sigurisë.
“Konfliktet nuk janë ndëretnike, nuk është dallimi etnik ai që shkakton konflikt. Por është autokracia në Beograd e ndërlidhur me despotizmin në Moskë. Ne kemi paralajmëruar kaherë që shtetet jodemokratike edhe në rajonin tonë jo vetëm në lindje të Evropës janë rrezik për sigurinë dhe paqen. Natyrisht që këtë gjë hollësisht dhe thellësisht sikurse SHBA nuk mund ta dijë askush. Ajo çka bëjmë ne është se përgatitemi maksimalisht me krejt çka mundemi dhe dimë, andaj përuruam këtë qendër shtetërore për siguri kibernetike, për trajnime të cilat do të merren dhe do të ofrohen aty”, tha Kurti.
