Pedagogia Ilirjana Kuçana ka folur nga podiumi i vendosur përpara Kryeministrisë në protestën e organizuar nga ish-kryeministri Sali Berisha.

Ajo shprehet se kryeministri Rama zgjedh çdo gjë, për të ardhmen e fëmijëve, është komandant i çdo policie dhe kryetar i çdo gjykate dhe prokurorie.

“Këtu janë pedagogë, studentë dhe shqiptarët e vërtetë. Arsimi shkretohet me tekste, me kuota, me tarifa. E dini pse? Sepse për gjithçka zgjedh Edi Rama. Shkollën e fëmijëve e zgjedh Ministria e Arsimit, Edi Rama, komandanti i çdo policie, kryetar i çdo gjykate dhe prokurorie. E vetmja gjë që ka një i ri është droga, të bëhet patronazhist ose të iki nga vendi. Për ta mbyllur kam një pyetje për ju, kush do largohet, Rama apo rinia? Ne do jemi këtu derisa ky njeri të largohet” – tha Kuçana.