lir Zelka është shqiptari që sot u ekzekutua në Brazil teksa hante mëngjes në një bar-restorant me emrin ‘Zurich’ në Sao Paolo.
Zelka prej 20 nëntorit, sipas mediave braziliane, qëndronte në një hotel në ‘Jardins’, qendra e qytetit teksa rezulton se ka pasur firmë private në Çeki.
Saktësisht kompania mban ende mbiemrin e tij dhe është regjistruar në Çeki.
Më 9 mars të 2019 ai ka hequr dorë si ortak. Ndërkohë sa i përket vrasjes së tij, menaxheri i bar-restorantit, Osmar Américo dos Santos ka dëshmuar se deri para dy javësh shqiptari vinte në bar-restorant dhe porosiste 3 vakte në ditë.
Vrasja në një atentat mafioz e një 47 vjeçari shqiptar ka shkaktuar panik në një restorant të Jardins, në rajonin qendror të São Paulo në Brazil.
Atentati u krye nga një person në motoçikletë rreth mesditës teksa policia ende nuk ka identifikuar autorin apo motivin e vrasjes.
Sulmuesi raportohej nga dëshmitarët si i veshur me bluzë të kuqe dhe helmetë ngjyrë rozë.
Ai nuk lëndoi asnjë tjetër përveç viktimës së tij.
Motoçikleta e krimit ishte braktisur në sheshin David Campista disa dhjetra metra larg vendngjarjes. Viktima u dërgua në spitalin Hospital das Clínicas, ku dhe humbi jetën nga plagët.
Autoritetet braziliane kanë hapur një hetim mbi çështjen.
Dashi (21 Mars – 19... 
