Me 76 vota pro, Kuvendi miratoi dy aktet normative të Këshillit të Ministrave, duke shtyrë vlefshmërinë e kartave të identitetit dhe pasaportave për shtetasit shqiptarë që jetojnë jashtë vendit deri në fund të majit. Kjo masë synon të mundësojë pjesëmarrjen e diasporës në votimet e 11 majit, edhe për ata që kanë dokumente të skaduara.

Gjithashtu, me 75 vota pro, u miratua një shtesë prej 80 punonjësish me kohë të pjesshme në Komisionin Qendror të Zgjedhjeve për të përballuar fluksin e madh të regjistrimeve të votuesve nga jashtë.

Opozita nuk ishte e pranishme në momentin e votimit, ndërsa Kuvendi shtyu për seancën e ardhshme votimin për Komisionerin për Mbrojtjen nga Diskriminimi.