Kuvendi do të votojë sot nëse do të çojë në Gjykatë Kushtetuese për shqyrtimin e papajtueshmërisë ose jo të mandatit të deputetes së shumicës, ish ministres së Jashtme Olta Xhaçka. Pikëpyetjet mbi mandatin e Xhaçkës lindën pasi kompania e bashkëshortit të saj mori statusin e investitorit për një hotel turistik, gjë e cila sipas opozitës përbën konflikt interesi.

Në fjalimin e saj në foltoren e Kuvendit, Xhaçka mohon të ketë influencuar apo të ketë përfituar duke e quajtur “gjithçka shpifje” dhe shton se është “furtunë në gotën e rakisë të të dehurve të atyre që vranë dhe shkatërruan shtetin”. Ajo sqaron se pozicioni i bashkëshortit të saj ka të bëjë me atë të investitorit strategjik të asistuar, i cili ka një dallim të madh nga investitori strategjik. Deputetja socialiste thekson se bashkëshorti i saj nuk ka përfituar favore qeveritare ose statuse të veçanta personale, por ka një të drejtë të thjeshtë për të trajtuar me prioritet lidhjen e njërës prej 1500 kontratave të përvitshme të qirasë për sipërfaqen e plazhit para hotelit kur ai të ndërtohet. Ajo gjithashtu pohon se as ajo e as familja e saj nuk kanë përfituar asnjë avantazh financiar nga fondet publike apo tokat publike.

Xhaçka mohon të ketë influencuar apo të ketë përfituar duke e quajtur ‘gjithçka shpifje’,‘Furtunë në gotën e rakisë të të dehurve të atyre që vranë dhe shkatërruan shtetin”.

Në fjalën e saj, deputetja Olta Xhaçka tha se Kuvendi nuk ka çfarë të votojë për mandatin e saj dhe duke u drejtuar Bardhit, e quajti atë një shpifës të rëndomtë.

‘Nuk kam ushtruar asnjë influencë për të përfituar’- tha Xhaçka.

Partia Socialiste ka përgatitur një raport për mandatin e deputetes Olta Xhaçka dhe do të votojë sot në seancë për dërgimin në Gjykatën Kushtetuese siç urdhëron gjykata.

Kreu i grupit të PS-së, Bledi Çuçi tha se ‘Ne e kemi zbatuar vendimin e Gjykatës Kushtetuese që në momentin e parë kur kemi thënë që shfuqizon të dy vendimet që janë marrë nga Parlamenti në lidhje me papajtueshmërinë e mandatit të deputetes Olta Xhaçka. Nuk është e vërtetë që nuk dolëm në konkluzion në mbledhjen e Këshillit të Mandateve. Ne thamë që do ta çojmë çështjen në seancë plenare sepse kështu na detyron Kushtetuta për të marrë një vendim”.

Opozita kërkoi dërgimin e mandatit të Xhaçkës në Kushtetuese që në vjeshtën e vitit 2022, pasi e akuzon se ka konflikt interesi përmes bashkëshortit të saj si investitor strategjik, gjë që ministrja e ka mohuar disa herë.

Edhe opozita ka dëpozituar një raport, përmes së cilit kërkohet që mandati i Xhaçkës të dërgohet në Kushtetuese për verifikim. K

ryeministri Edi Rama mungon në seancën e sotme për shkak të axhendës, pasi ndodhet në Francë me ftesë të Presidentit Emmanuel Macron.