Federata Franceze e Futbollit ka konfirmuar se Kylian Mbappé ka pësuar një thyerje të hundës gjatë ndeshjes së fundit ndaj Austrisë në Europianin e futbollit. Incidenti ndodhi në minutën e 86-të të ndeshjes, kur Mbappé u përplas me mbrojtësin Danso.

Mbappé pritet të vazhdojë të luajë duke përdorur një maskë për të mbrojtur hundën e lënduar, derisa në vijim do të nënshtrohet një operacioni mjekësor. Federata e ka konfirmuar diagnozën e thyerjes së hundës pas ekzaminimeve radiologjike në spitalin e Duseldorfit, ku u kryen trajtimi i parë mjekësor.

Pavarësisht lëndimit, Mbappé pritet të jetë në dispozicion për ndeshjet e ardhshme të Francës në turneun e Europianit. Franca do të përballet me Holandën më 21 qershor dhe më pas me Poloninë më 25 qershor, ku pritet të shfrytëzojë prezencën e lojtarit të talentuar edhe pse në kushte të lëndimit të hundës.