Kylie Jenner ka tërhequr vëmendjen e ndjekësve të saj në Instagram me një postim të veçantë, ku promovon koleksionin e saj të ri të modës nga marka ‘Khy’. Ajo pozoi me një pallto ngjyrë kafe të gjatë deri në dysheme dhe taka, duke mbajtur një trëndafil të kuq, për të festuar afrin e Shën Valentinit.

Në mbishkrimin e saj, Kylie shkroi:

“Veshjet thelbësore të riimagjinuara në lesh artificial dhe lëkurë”. Ky postim vjen në një kohë kur i dashuri i saj, Timothee Chalamet, ka marrë nominimin e tij të dytë për ‘Oscar’ për rolin e Bob Dylan në filmin A Complete Unknown.

Kjo është një arritje e madhe për aktorin, i cili ishte më parë nominuar për një ‘Oscar’ në 2018 për Call Me By Your Name. Chalamet tani do të konkurrojë për çmimin e aktorit më të mirë kundër emrave të njohur si Adrien Brody, Colman Domingo, Ralph Fiennes dhe Sebastian Stan.

Kylie dhe Timothee kanë mbajtur marrëdhënien e tyre private, por ata nuk kanë nguruar të shfaqin dashurinë e tyre në ngjarje publike, duke përfshirë paraqitjen e tyre së bashku në ‘Golden Globes’ këtë muaj.