Në një ndeshje plot emocione dhe kthesa, Girona ka mposhtur Barcelonën me rezultatin 2-1, duke shkaktuar një tërmet në krye të La Ligës.

Pjesa e parë përfundoi pa gola, megjithëse Lamine Yamal humbi një penallti të artë për katalanasit në minutat shtesë. Barcelona kaloi e para në avantazh në minutën e 60-të përmes mbrojtësit Pau Cubarsí, por reagimi i Gironës ishte i menjëhershëm: Thomas Lemar barazoi vetëm dy minuta më vonë.

Goli vendimtar i fitores erdhi në minutën e 87-të nga Joel Roca, duke siguruar tre pikët për vendasit. Robert Lewandowski pati një gol të anuluar në fund të takimit për pozicion jashtë loje pas rishikimit me VAR.

Me këtë humbje, Barcelona zbret në vendin e dytë me 58 pikë, dy më pak se Real Madrid, që tani kryeson kampionatin me 60 pikë.

Kjo fitore e Gironës rrit tensionin në garën për titull dhe vendos një sfidë të re në krye të La Ligës.