Pas daljes nga Big Brother VIP Kosova, këngëtari Labinot Rexha ka publikuar një deklaratë të fortë, duke ngritur dyshime mbi mënyrën e eliminimit të tij dhe duke pretenduar se produksioni kishte qëllim ta hiqte nga loja para finales.

Rexha theksoi se televotimi ishte shumë i ngushtë dhe se mbështetja e publikut për të ishte e madhe:

“Gjysma e popullit është me të vërtetën edhe pse i kishim kundër të gjithëve.”

Ai gjithashtu pretendon se pas daljes ka mësuar informacione që sipas tij konfirmojnë planifikimin e eliminimit të tij:

“Dolen fjalët e Limit që i tha Olsa: duhet me nxjerr Labi me zarf të zi para finales sepse na e merr fitoren se ka vota… Limi, para se të futet në Big, e ka takuar Olsen dhe pas takimit na ka njoftuar me telefon atë ditë që mos u lodhni kot, se Olsa ka me nxjerr me zarf të zi para finales.”

Në një reagim tjetër, ai kërkoi transparencë dhe drejtësi nga produksioni, duke paralajmëruar edhe rrugë ligjore nëse votat reale nuk do të publikoheshin:

“Publiku meriton transparencë dhe sqarim të plotë… Ky edicion pa mua dhe pa Albën nuk do të kishte të njëjtën peshë. Me respekt, Labinot Rexha.”

Deklaratat e Rexhës kanë ndezur debat mes fansave dhe publikut, duke vënë në qendër dyshimet mbi integritetin e televotimit dhe mënyrën si është menaxhuar eliminimi në këtë edicion të Big Brother VIP Kosova.