Labinot Rexha ka publikuar një mesazh të gjatë në Facebook, ku rrëfen rrugëtimin e tij në Big Brother VIP Kosova, duke tërhequr vëmendje të madhe në rrjet.

Në postimin e tij, Rexha thekson se ky sezon është karakterizuar nga përballje të forta, tension dhe dinamika të vazhdueshme, dhe e lidh suksesin jo vetëm me çmimin final, por edhe me ndikimin te publiku.

Ai veçon veçanërisht rolin e Alba Pollozhanit, duke e konsideruar atë si energjinë që ka lëvizur situatat, ndërsa vetë e përshkruan si një nga figurat që ka mbajtur peshën e vërtetë të spektaklit:

“Në këtë sezon të Big Brother VIP Kosova, dy emra kanë mbajt peshën e vërtetë: Alba Pollozhani dhe Labinot Rexha. Të tjerët kanë qenë pjesë e lojës. Ne kemi qenë loja.”

Rexha shton se fituesi nuk përcaktohet vetëm nga çmimi, por edhe nga ndikimi në spektakël dhe publik. Ai uron suksese konkurrentit Lludo, duke theksuar:

“Fitues nuk të bën vetëm çmimi. E ndikimi i këtij sezoni ka qenë i qartë. Kampionët e vërtetë nuk kanë nevojë për konfirmim.”

Postimi i Rexhës nënvizon rolin e tij dhe të Albas si shtylla të sezonit dhe mënyrën se si ata kanë influencuar rrjedhën e lojës dhe spektaklin te shikuesit.