Ylli i ri i Barcelonës dhe i kombëtares spanjolle, Lamine Yamal, është jo vetëm një nga futbollistët më premtues dhe kandidat për Topin e Artë, por së fundmi është bërë kryefjalë në mediat spanjolle për jetën e tij sentimentale.

Sipas Mundo Deportivo, 16-vjeçari ka nisur një lidhje dashurie me influencuesen spanjolle Fati Vazquez, e cila është 29 vjeç – plot 12 vite më e madhe se ai. Lajmi u përhap me shpejtësi në rrjetet sociale dhe mediat rozë, pasi çifti ndodhet aktualisht me pushime në Itali, ku kanë postuar foto të ngjashme nga i njëjti vend, duke e bërë lidhjen e tyre pothuajse të konfirmuar.

Fotot tregojnë të njëjtën pishinë, të njëjtat bimë dekorative dhe ambient të njëjtë, të publikuara me diferencë ditësh nga të dy. Këto detaje vizuale u interpretuan si provë e fortë nga ndjekësit dhe mediat, të cilët kanë vënë në pah kontrastin e moshës mes tyre.

Fati Vazquez, me 400 mijë ndjekës në Instagram, është një influencuese nga Galicia dhe është e njohur për postimet e saj në modë dhe stil jete luksoz.

Lidhja ka ngjallur diskutime të shumta në rrjete sociale, veçanërisht për diferencën e madhe në moshë, pasi Yamal është ende minoren. Aktualisht nuk ka ende një reagim zyrtar nga asnjëri prej tyre, por fakti që nuk e kanë mohuar lidhjen dhe detajet që dolën nga rrjetet sociale, i ka bërë mediat të flasin për një romancë të konfirmuar, së paku në heshtje.

Kjo vëmendje pritet ta shoqërojë Yamal jo vetëm në fushën e blertë, por edhe në çdo hap të jetës së tij personale ndërsa ai rritet në sytë e publikut.