Këngëtari i njohur Ledri Vula ka folur për herë të parë publikisht për ndarjen e tij nga Sara Hoxha dhe raportin që mban tani me vajzën e tyre, Poem. Ai pranoi se nuk e di arsyen e saktë të ndarjes dhe se nuk është ndalur shumë për të menduar rreth kësaj çështjeje, por ka theksuar se i vjen keq vetëm për ndikimin që mund të ketë pasur te vajza e tij.

“Unë e Sara jemi krejtësisht kundër për atë që kemi mundur të funksionojmë,” tha Ledri, duke treguar se prioriteti i tij është mirëqenia e Poem. “Se di, as nuk jam ndalë me mendu. Më vjen keq veç për Poem, për diçka tjetër jo,” shtoi ai, duke nënvizuar se vajza e tij është e dashuruar me prindërit dhe kalon shumë kohë me ta.

Ledri gjithashtu shprehu dashurinë e tij të madhe për vajzën dhe dëshirën për të pasur një familje të madhe. “Unë vdes për Poem, kisha pas qef që Poi të kishte edhe dy motra, pse jo edhe një djalë,” tha ai, duke e bërë të qartë se ëndërron një familje me më shumë fëmijë.

Duke u pyetur nga Arbana Osmani se kujt i tregon së pari kur lidhet me dikë, Ledri u përgjigj me sinqeritet: “Nanës më së pari i tregojë.” Ai theksoi se është një person i dashur dhe familjar, dhe se gjithmonë do të ketë vend për dashuri në jetën e tij.