Tre tërmete kanë goditur vendin tonë gjatë mëngjesit të sotëm. Sipas EMSC, lëkundja e parë sizmike është regjistruar në orën 04:39. Ky tërmet ka pasur një magnitudë 3.3 të shkallës rihter dhe është ndjerë në disa zona.Thellësia ka qenë rreth 2 kilometra, ndërsa epiqendra e saj ishte rreth 21 kilometra larg qytetit të Durrësit dhe 16 kilometra nga qyteti i Krujës.

Më pas rreth orës 05:02 të mëngjesit është regjistruar një tjetër tërmet. Me epiqendër 21 km në jug-perëndim të Tepelenës. Lëkundja sizmike ka qenë 3.4 e shkallës rihter.

10 minuta më vonë një tërmet më i lehtë është regjistruar në 16 km nga Gjirokastra. Magnituda ishte e shkallës 2.5 rihter dhe me një thellësi 2 km.