Mbrëmjen e djeshme, banorët e Big Brother VIP hapën zemrën dhe hodhën në letër ndjenjat e tyre për partnerët ose dashuritë e humbura. Teksa të gjithë ndanë emocionet e tyre duke lexuar letrat, Gjesti ishte i vetmi që nuk pranoi ta lexonte të tijën, duke u larguar mes lotëve.

Sipas raportimeve, letra e tij ishte dedikuar ish-të dashurës, Diellzës, dhe sot është bërë publike në rrjet. Përmes vargjeve plot ndjenja, ai i shpreh mungesën e saj dhe pikëpyetjet që e mundojnë.

Letra e Gjestit

“E dashur ishe D.
Oj drita jem, kallxom natën ku po flen…

O bebi jem, kallxom n’cilin krah po flen
O drita jem, Shën Valentini pa tu po m’xën
O bebi jem, kush po t’bjen lule n’venin tem?

Ti s’mund me kon e tjetër kujt, ti je e jemja
Ti je my bebim, je my shpirtm, je my zemër
Prej meje mund të të ik trupi, e jo nuk të ik menja
Ti s’mund me m’harru kurr, hala për mu t’rreh zemra.

A m’ke harru be?
A m’ke harru bre?
Sa herë flej e çohna, nuk po mund pa t’kujtu bre.

Veq ty jom ka t’du
Veq ty jom ka t’du bre
Ah ata lot e ty
Ah lot e ty bre,
Shum’ t’kan piku gjatë kohës kur s’je kon me mu.”

Momenti i tij emocional ka prekur ndjekësit dhe ka sjellë reagime të shumta në rrjet. Shumë njerëz pyesin nëse Diellza do të reagojë ndaj kësaj letre dhe çfarë ndikimi do të ketë ky moment në rrjedhën e lojës së Gjestit brenda shtëpisë.