Ish-këngëtari i njohur i grupit One Direction, Liam Payne, është raportuar se ka vdekur në Buenos Aires, Argjentinë, pas një rënjeje nga kati i tretë i një hoteli. Mediat lokale, duke cituar zyrtarët, raportuan se policia u thirr në hotelin në lagjen Palermo pas një thirrjeje për një “burrë agresiv” që dyshohej se ishte nën ndikimin e drogës dhe alkoolit.

Punëtorët e ambulancës konfirmuan vdekjen e 31-vjeçarit, i cili u gjet në një oborr të brendshëm të hotelit. Liam Payne kishte arritur famë globale si pjesë e grupit pop One Direction, i cili u formua në vitin 2010 pas një paraqitjeje në X Factor-in britanik, ku përfundoi i treti. Grupi u shpërbë në vitin 2016, ndërsa anëtarët e tij, përfshirë Harry Styles, Zayn Malik, Niall Horan dhe Louis Tomlinson, ndoqën karrierat e tyre solo.

Vdekja e Liam Payne ka tronditur fansat dhe kolegët, duke lënë një boshllëk të madh në botën e muzikës. Ndërsa informacionet rreth rrethanave të vdekjes së tij janë ende duke u hetuar, mbetet një humbje e madhe për industrinë muzikore dhe për ata që e ndihmuan për të arritur suksesin e tij.