Hollywood – Aktorja e njohur Lindsay Lohan, e rikthyer në vëmendje jo vetëm për projektet e saj artistike por edhe për pamjen rinore, ka zbuluar së fundmi sekretet e rutinës që ndjek çdo ditë për kujdesin e lëkurës dhe shëndetit.

Në një intervistë të fundit, Lohan thekson se transformimi i saj fizik nuk ka lidhje me ndërhyrje estetike, por është rezultat i një diete rigoroze dhe një rutine të personalizuar mirëqenieje.

“Unë pi një lëng çdo mëngjes me karota, xhenxhefil, limon, vaj ulliri dhe mollë. Gjithashtu konsumoj shumë çaj jeshil dhe ujë,” – tha ajo.

Aktorja, e njohur për rolet ikonike në filmat e viteve 2000, zbuloi gjithashtu se është në fazat e para të zhvillimit të linjës së saj të produkteve për kujdesin e lëkurës, duke testuar gjithçka personalisht.

“Jam shumë specifike, sepse jam e çmendur pas lëkurës dhe shëndetit tim,” – u shpreh Lohan, duke shtuar se zakonisht zhyt fytyrën në ujë me akull në mëngjes, pi ujë me limon dhe fara chia, dhe vendos maska për sytë çdo ditë. Ajo pranoi se është gjithashtu adhuruese e trajtimeve me lazer.

Në lidhje me thashethemet që qarkullojnë për ndërhyrje estetike, Lindsay dha një përgjigje të prerë:

“Të gjithë bëjnë botoks,” – tha ajo me sinqeritet, ndërkohë që publicisti i saj ndërhyri për të denoncuar standardet e dyfishta të bukurisë në Hollywood, ku presioni ndaj grave publike mbetet i lartë.
p