Një moment dramatik ka ndodhur mbrëmjen e kaluar në shtëpinë e Big Brother VIP Albania, ku banorja Loredana Brati vendosi të thyejë kutinë e emergjencës për të marrë një informacion.

Por ky veprim nuk kaloi pa pasoja. Vëllai i Madh e ndëshkoi menjëherë duke i hequr 20 mijë euro nga çmimi i madh. Në zarfin e kuq shkruhej qartë:

“Ky informacion të kushtoi 20 mijë euro nga çmimi i madh.”

Kjo do të thotë se, edhe nëse Loredana shpallet fituese, ajo do të marrë 20 mijë euro më pak nga shuma përfundimtare. Ky vendim ka shkaktuar diskutime mes banorëve dhe ka ngritur pyetje mbi rëndësinë e informacionit që ajo mori në këmbim të këtij dënimi të rëndë.

Si do të ndikojë ky penalizim në lojën e saj dhe a do ta pranojë ajo këtë sakrificë pa reagime? Mbetet për t’u parë në vazhdim.