Një shqiptare 31-vjeçare, e njohur si “Lorela”, është arrestuar në Greqi në kuadër të një operacioni kundër rrjetit të prostitucionit me të mitura. Ajo kishte krijuar një marrëdhënie miqësore me një vajzë 15-vjeçare dhe kishte organizuar takime seksuale me klientë të mitur në shtëpinë e saj.
“Lorela”, e cila prezantohet si estetiste, ka shfrytëzuar marrëdhënien me vajzën e mitur që prej fillimit të vitit 2022. Autoritetet e kanë arrestuar pasi fqinjët kishin vënë re sjellje të dyshimtë dhe kontaktet e saj me vajzat e mitura në zonë.
Operacioni ka zbuluar një rrjet të organizuar prostitucioni, ku vajzat e mitura shfrytëzoheshin në aktivitete seksuale kundrejt pagesës. Autoritetet po hetojnë për të zbuluar pjesëmarrjen e të tjerëve në rrjet dhe për të marrë masat e nevojshme ligjore. Hetimet përqendrohen në identifikimin e klientëve dhe personave të tjerë të përfshirë në këtë veprimtari të paligjshme.
“Lorela” është prezantuar në lagje si estetiste dhe ka lënë takime në shtëpinë e saj me “klientë” të mitur të shfrytëzuar nga unaza.
“Vajza ka një djalë, e kam parë që e ka sjellë këtu, e sjell dhe ia çon mamit, ku është mami nuk e di… Shumë vajza i vinin në shtëpi, nuk e di ne cfare moshe kanë qenë gjithsesi ishin të vogla, patjetër nën 18. Kisha pare dy-tre vajza, rreth korrikut dhe gushtit vinin thotë”, tha një banore e Colonos teksa tregon se ne apartamentin e katit të dytë së bashku me “Lorelën” jetonte partneri i saj i arrestuar disa vite më parë për një rast droge.
“Këtu jetonte edhe partneri i saj. Por ai u kap për drogë 3-4 vjet më parë. Nuk e prisja gjithçka që mësova për fëmijët dhe tutorët. E pashë në TV dhe u habita”, tregon më tek banorja.
