Luçiano Boçi, në një komunikim të drejtpërdrejtë për një emision televiziv, ka shprehur zemërimin dhe solidaritetin e tij për Sali Berishën pas masës ndaj tij dhe tubimit të djeshëm poshtë banesës së ish-kryeministrit. Boçi akuzoi kryeministrin Edi Rama për goditjen ndaj kryetarit të opozitës dhe tha se situata është e paprecedentë dhe po ngjall revoltë dhe zemërim te qytetarët.

Boçi gjithashtu lajmëroi për një tubim sot, duke thënë se organizimi i djeshëm ishte spontan dhe shprehje e solidaritetit për Berishën. Ai theksoi se vendimi ndaj Berishës është antikushtetues dhe ka akuzuar SPAK-un dhe institucionet tjera për mosrespektim të ligjit për ish-kryeministrin. Boçi përfundoi duke shtuar se opozita nuk do të dorëzojë veten te Rama dhe se situatat ku goditet kreu i opozitës shkaktojnë revoltë dhe zemërim te qytetarët.

Organizmi i djeshëm poshtë banesës së ish-kryeministrit ishte spontan, ashtu siç ndodhi edhe më datë 31 dhjetor. U shpreh solidariteti për Berishën dhe zemërimin që ‘drejtësia e re’ ndërmori ndaj tij. Berishës i është ndaluar edhe komunikimi, megjithatë gjykata ka vlerësuar politikisht vendimin e saj. Situata është e paprecedentë, pasi është lobuar në mënyrë të pistë ndaj opozitës, ku në fund i goditet drejtuesi, njeriu që ka luajtur një rol kyç në kapërcimin e diktaturës në demokraci.

Ka një frikë sigurisht nga ana e mazhorancës, e cila po godet kryetarin e opozitës. Është dëshmuar tashmë se është një frikë e brendshme e Ramës. Dihet fryma dhe shtysa që ai i ka dhënë SPAK-ut për zotin Berisha. Ne jemi këtu dhe nuk e dorëzojmë opozitën te Rama. Situata të tilla ku goditet kreu i opozitës ngjall revoltë dhe zemërim, dhe kjo duket qartë te qytetarët.