Në orët e fundit, është bërë zyrtare rinovimi i trajnerit të kombëtares spanjolle, Luis De la Fuente, për të qenë në udhëheqjen e skuadrës deri në verën e vitit 2026, duke siguruar kështu që ai do të udhëheqë ekipin në Botërorin e 2026.

Federata Spanjolle e Futbollit (RFEF) ka bërë të ditur se ata kanë arritur një marrëveshje për rinovimin e kontratës së trajnerit, siç ishte paralajmëruar në shkurt të këtij viti, së bashku me rinovimin e stafit teknik.

De la Fuente mori drejtimin e Kombëtares spanjolle në dhjetor të vitit 2022, duke zëvendësuar Luis Enriquen, pasi kishte trajnuar disa ekipet e moshave të Spanjës. Ai fitoi UEFA Nations League në 2023-n, duke sjellë një titull shumë të rëndësishëm për Spanjën pas një dekade pa sukses. Ai gjithashtu e kualifikoi ekipin për në Europianin e këtij viti, ku Spanja do të garojë në Grupin B kundër Shqipërisë, Italisë dhe Kroacisë. De la Fuente e udhëhoqi skuadrën në 13 ndeshje, duke regjistruar nëntë fitore, dy barazime dhe vetëm dy humbje.