Kiara vjen para 100 mijë eurove për Luizin. Siç e ka deklaruar që ditën e parë ai ka synim kryesor të fitojë zemrën e saj në “Big Brother VIP” por duket pak e vështirë pas situatave të fundit.
Moderatorja është distancuar duke vendosur një mur mes tyre. Gjithsesi, mbrëmjen e djeshme ajo i dha disa sinjale që ka ende shanse për një rifillim mes tyre duke u shprehur se “Luizi ka një anë të mirë” dhe se “vetëm ajo mund ta menaxhojë atë”.
Kështu, pas emisionit të djeshëm, Luizi i është drejtuar me një letër Kiarës, ku i kërkon që të pijnë kafe bashkë ditën e sotme. Ai e konsideron Kiarës si “Princeshë”, teksa veten e quan “Luan”, etiketim që e ka marrë nga fansat e tij.
“Mund të kem kënaqësinë të pi një kafe me princeshën Kiara Tito, nesër para drekës? Në pritje të përgjigjes tuaj. Me respekt Luani” shkruhet në letër, një mënyrë origjinale si gjithmonë prej tij.
