Kryetari i Partisë Demokratike, Lulzim Basha, që ndodhet në një vizitë zyrtare në Shtetet e Bashkuara të Amerikës, ka uruar Ditën e Rinisë përmes një videomesazhi nga ndërtesa e Senatit amerikan.

Në fjalën e tij, Basha shprehet se pasuria më e madhe e Shqipërisë janë të rinjtë, duke cituar Presidentin John F. Kennedy: “Pasuria më e madhe e njerëzimit është rinia e tij.” Ai vlerëson kontributin dhe ndikimin e të rinjve dhe të rejave shqiptare në ndryshimet historike të vendit dhe beson se ata do të vazhdojnë të jenë forca e ndryshimeve pozitive në të ardhmen.

Basha bën thirrje për një Shqipëri europiane, të lirë dhe demokratike, duke shprehur bindjen se të rinjtë dhe të rejat do të jenë pioniere të kësaj vizioni. Ai përfundon me një urim të veçantë për Ditën e Rinisë, shpresuar për një të ardhme të ndritur dhe të suksesshme për të gjithë shqiptarët.

“Të dashur miq, ju përshëndes nga ndërtesa e Senatit të Shteteve të Bashkuara të Amerikës, në këtë ditë të veçantë për çdo shqiptar e në veçanti për rininë shqiptare, me një citim nga një nga figurat më frymëzuese të politikës amerikane, nga Presidenti John F. Kennedy, i cili në mënyrë kuptimplotë për çdo komb na ka lënë trashëgim thënien se: “Pasuria më e madhe e njerëzimit është rinia e tij”. Pasuria më e madhe e Shqipërisë janë të rinjtë dhe të rejat e Shqipërisë. Të rinjtë dhe të rejat e Shqipërisë kanë bërë gjithmonë diferencën midis të mirës dhe të keqes, midis tiranisë dhe lirisë dhe do ta bëjnë sërish. Do ta bëjnë për Shqipërinë europiane, për Shqipërinë e lirisë, për Shqipërinë e demokracisë. Sepse ndryshe nga ç’mendojnë pesimistët, skeptikët, apo ata që gjithmonë kanë vënë interesin e tyre mbi interesin e shqiptarëve, Shqipëria do të bëhet! Gëzuar Ditën e Rinisë!”