Drejtuesi Politik i Koalicionit Euroatlantik, Lulzim Basha, ka surprizuar kandidatin për deputet në qarkun Lezhë, Aleksandër Jushi, në ditën e tij të lindjes.

Gjatë një takimi me qytetarët, Basha prezantoi Jushin si një arkitekt, urbanist, sipërmarrës të suksesshëm dhe përfaqësues të familjeve të përndjekura të Lezhës dhe Mirditës. Për t’i dhënë një atmosferë festive momentit, ai e uroi edhe me një tortë, ku spikaste numri 4, simbol i renditjes së tij në fletën e votimit.

“Arkitekt, urbanist, përfaqësues i familjeve të përndjekura të Lezhës e të Mirditës, por po kështu zëri i rinisë lezhjane, sipërmarrës… e meqë ra fjala, edhe 100 gëzuar ditëlindjen! Sot ka ditëlindjen. Ma merr mendja se çfarë dëshire ka pasur, apo nuk thuhet dëshira? Rëndësi ka që numri 4 ishte në tortë. Edhe 100!” – u shpreh Basha me humor.

Ky moment i veçantë krijoi një atmosferë pozitive mes mbështetësve, ndërsa fushata elektorale në qarkun e Lezhës po bëhet gjithnjë e më intensive.